قصيدة شماليه جنوبيه

شـمـالــيــه .. جـنــوبــيــه *كفايه ياجماعه عذ لكـم زاد الجـروح طعـون
عسى العـذال والحسـاد رب البيـت يقلعهـا


إذا كان الرجل لاحب تسمونـه رجـل مجنـون
أقـول اللـي معـه ليـه نصيحـه لايطلعهـا


شكّو حب العذارا من قبل لاأطلع وقبـل اكـون
رجـالِ طيبـه ياصحابنـا والطيـب منبعهـا


مثل قيس الملوح والخفاجي مثل ابـن لعبـون
وغيره من عشق عشّق العذاراغيـر يوجعهـا


وأنا اللي قد تولعت بفتـاةٍ حسنهـا مصيـون
فتاةٍ لانطقـت فـي هـرج مـاودك تقاطعهـا


وش أوصّف من المبسم عليها وش سواد عيون
ياماشاالله عليها مـن قدمهـا ليـن مفرعهـا


لياجت أتكلـم الكـلام اللـي يجـي مـوزون
تخـدع أحروفهـا الآبجديـه قبـل تخدعـهـا


تحس أن الكلام اللي تقوله من ذهب مخـزون
(شماليه..جنوبيه)تحـيّـر مــن توقـعـهـا


توهجبـي غلاهـا والغـلا راعيـه لوتـدرون
كما طفلٍ تولـع فـي حنـان أمـه وضيعهـا


وأذا لزم لامر تبقى هي الداين وانـا المديـون
أتبعثر حالتي في ظرف لحظـه ثـم تجمعهـا


أجيهـا باالغـلا كلـي منالواحدالىالملـيـون
أجيهاحب..أجيهاشوق..أجيهاشعرأسمـعـهـا


كذا وشلون أبي اتركها وأنا قلبي لها مرهـون
أنـا حالـف يميـن أن العـواذل ماتسمعهـا


وأنا مفتون فيها لو زعلتم صرت أنـا مفتـون
تدلعهـا حـلا وبغطرستـهـا وابتواضعـهـا


ولكـنّ الحقيقـه ياعـواذل بـس ترتـاحـون
تراي أقسم قسم أني لخلـي النـاس واتبعهـا